Pala Tangga

My son’s birthday

2009-07-23T23:52:00.003+08:00

23th July 2009, Today is my son’s birthday. Gaga endar orang bujang kami, tumu dani pagi tadi alu nanya endur nyimpan birthday cake, laban udah semaya mai sigi ngagai kindergarten iya. Beguai iya mandi lalu ngambi gari kediri empu laban begaut nurun skula mai cake. Taun nyin suba bakanya meh, maya birthday mai cake sigi ambika bisi celebrate mimit enggau sida sekelas ba sekula.

Cara kami ngintu birthday dirumah iya simple aja, beli ke cake & present, lemai makai diluar, pulai makai begambar nyepu cake, belagu happy birthday, muka present, udah. Semina rami diri sebilik aja, nadai ngangau urang bukai.

Marthilda, Marvin & their mother – genap 6 taun

Marvin share the same birthdate with our PM who also celebrate his Birthday today

Kada ka datai seminggu ayam nya

Aku bisi madah ngagai Marvin, enti udah masuk Primary Satu nadai agi celebrate birthday dalam class, urang kelalu mayuh.

Sida Marvin tu ila nadai enggau urang PPSMI, enda ampit, sister iya benasib mimit laban lebuh sida masuk Tahun Satu taun 2002 nya suba Science & Math baru berengkah diajar ngena jaku English.

Gempuru Ngiling Tikai 2009

2009-07-21T23:59:00.001+08:00

3 July 2009. Lama udah enda update blog. Kena hari Lima minggu nyin suba aku bisi ngagai pengerami gempuru ngiling tikai ke diatur sida WaiFM begulai enggau Radiokitai.com. Pengawa tu digaga ba Penview Hotel, Kuching lalu bisi datai lemainya YB Datuk Seri William Mawan Ikom, Menteri Pembangunan Sosial dan Urbanisasi. Sida bukai ke bisi datai lemainya nyengkaum bala Bloggers, Facebooks, bala ke selalu enggau Dayak-based Forums.

Aku terubah nemu pasal gempuru tu ari Ruai James Joshua Guang, tang iya empu nadai datai lemainya. Aku nadai besemaya tauka madah diri datai ngagai organizer, meda lemainya nadai programme bukai, udah badu ba upis lalu terus ngagai tempatnya. Selain ari deka meda pengawa urang kira aku dia lagi bisi betemu enggau blogger bukai.

Sebedau tama ngagai Penview aku makai dulu ba kedai sepiak hotel dia, enggai ke urang laun makai, peda aku ukai siko aku aja ngetu dia. Bisi ga siko dua bala udah start muka utai semetik ba endur nya. Sempat ga aku betemu lalu berandau enggau Apaienduq ba kedainya.

Taja ba gerah madah pengawa berengkah pukul 6.30pm tang kami kira pukul 7.30pm baru niki ke Hotel, disambut bala indu ke bisi ngena ngepan kitai Dayak, dilangar ngena tuak. Sebedaunya tadi bisi betemu lalu sempat begambar enggau Blogger Merekah Fajar (Kerbo) & missus enggau Apaienduq.

LadyJenn, Merekah Fajar, Apaienduq enggau Pala Tangga

Datai ba function room dia meda udah mayuh bala datai, umbas iya pemesai bilik nya, sida ke indu duduk ba kerusi banquet, sida ke laki diasuh duduk ba tikai dibaruh. Ngenda ke diri kami duai Kerbo alu duduk semak sida ke indu. Ukai apa, baka kami duai tu tusah endar enggau urang duduk dibaruh, angkat lagi pedis.

Mervin ngulu ke bala pengabang duduk ba tikai, utai ba butul nya tuak

Kira semak pukul lapan dia YB Datuk Seri William Mawan Ikom pan datai, disambut bala organizer lalu dibai sida duduk ba tikai. Udahnya penganan, kacang enggau utai pakai bukai alu disadung ngagai temuai. Ai Tuak pan bisi mega disibur bala committee ngagai semua pengabang.

Kira udah maya cukup jam, bala pengabang udah ga jenuh baru Laja Sanggin ngarika committee pengatur pengawa ngiling tikai berengkah bejaku ngelaluka YB enggau semua pengabang bukai. Tembunya baru idar YB Datuk Seri bejaku, kira iya ngarika semua pengabang ke bisi datai.

Laja Sanggin ari WaiFM meri welcoming speech

YB Datuk Seri William Mawan benong bejaku

Leboh maya iya ke bejaku lemainya YB Datuk Seri bisi meri jaku lalau ngagai bala bloggers ‘sometimes you can get excited after knowing something and would like to prove that you’re right’. Nyangka reti jaku YB Menteri tu ngasuh bala bloggers bejimat lebuh maya nusoi utai meh nya kini, enda ingat nanya iya lemai nya.

Udah badu Menteri bejaku kami lalu diperindangka enggau ajat ari sida Waifm ngarika main asal bansa Iban, Bidayuh enggau Orang Ulu. Udah tembu pengawa ngajat baru bala pengabang dibai makai.

Bala pengabang betusun ngambi pemakai

Badu makai bala alu diperindang enggau lagu karaoke dibai sekeda penyanyi ke bisi datai, bala DJ ari WaiFM pan sama bisi mantai ke sera nyawa malamnya, kiraka segment merrymaking & happy hours meh maya nya. Sempat ga begambar enggau bala bloggers & pangan bukai ke bisi datai malamnya.

With Mervin, the co-organiser

With Bujang Cmanggang

With Keranjai Manok (R)& friend

With Mcmillan Jua, an upcoming Iban singer

Sempat begambar enggau Joseph Nyallau, kawan lama

With Johnny & David

Pengawa ke pengabis malamnya – ngiling tikai, di atur semak tengah malam ba atas stage diulu ka YB Datuk Menteri. Sekeda bala dibaruh baka rauh ngasuh ngancau tikai ke digiling Menteri, nyangka agi belala Gawai kini, tauka udah mayuh kena keramak ai rimau.

Group singing sebedau ngiling tikai

Rindu endar malamnya, utai dipakai enggau dirup, ukai semina free tang cukup endar, arapka agi ulih diatur baru taun ila. Meri terima kasih ngagai WaiFM & Radiokitai.com ke ulih ngatur pengawa ngiling tikai 2009.

Gawai Makai Selamat - Lundu

2009-06-28T23:58:00.003+08:00

13th June 2009, Pengrami Gawai apin abis, sekali nusoi rita kami ke makai Selamat di Kampung Sebemban, Lundu. Maya nya mood Gawai endang agi tebal, bala aku udah dulu mupok kena lemai ari lima, aku empu laban ka bisi hal bukai nitih dudi kena lemai ari enam.

Checklist lemai ari - Canopy udah siap

Kerusi udah siap ditusun

PA system & Karaoke set udah siap

Crew DJ udah siap, agi benong practise

Crew di dapur pan udah ga sedia, smua OK

Urang ke empu pengawa tu nya bala kaban sepiak ari bini aku, sida sebilik dua tiga taun tu ke bisi kena penusah jalai alun. Taun 2006 entua aku ke indu kena lantak 4WD semak mua rumah, udahnya taun 2008 nyin suba Hilux sida sebilik di lantak urang ba simpang Tondong, sida iya ka ngagai kami di Matang.

Puji Tuhan, semua utai besangkut paut enggau penusah nya diatu nyauka semua beres, iya ke patah kaki udah gerai, muto rusak udahga di repair. Nyadi tu tadi kira pengawa makai selamat laban gaga ati semua penusah ngelamatu udah lepas, lalu minta berkat ngeringka semengat ka sida sibilik.

Paderi ka datai nulong kami ngemujur ke pengawa lemai nya, Father Andrew Stephen Rahah.

Paderi ngulu ke bala sembiang, gambar enda terang – cameraman ngelu pala

Makai – selepas blessing pemakai ari Paderi

Backstreet Boys - makai ba belakang rumah, malu meda urang rami

Udah makai … ngansar ka kaki

Pengawa berengkah kira pukul enam, udah badu sembiang, bisi bejako mimit baru makai. Udah tembu makai, baru pengawa berkaraoke berengkah, laban sida ke tuai agi malu tauka agi chelap bala sida anak mit meh mungkal menalan, nyau jauh malam maya mata enda entu terang, pending enda entu ninga baru utai makin rancak.

Selemai lemai nya kami berkaraoke, poco poco, bejoget sambil besadung. Udah tengah malam audio system pan “kong” baru badu, tang tubuh bisi endar asai, nembiak mayuh udah tinduk, temuai ke jauh udah mupuk pulai, iya ke semak agi ngetan laban agi bisi utai bukai kena ngerindang pengabang.

Ngidup ke api kena nunu Ikan gembung

Sekeda bala nunu ikan

Sekeda bala sambil nganti ikan mansau, besadung

Nat ke diri dulu

Pedis endar ngendani ke diri pagi ari, asai ke tindok sampai tengahari tang bisi pengawa bukai, utai ke dikena demalam mesti dikemas. Utai ke di injau mesti dianjung pulai enggaika urang bukai ka ngena. Utai enggi diri empu pan mesti disimpan awakka bisi dikena maya bukai.

Udahnya, laban ke agi ka, kami alu nampung pengawa besadung tengaharinya, bisi gab ala nembiak nunu ikan. Iya ga maya tengahari, iya ga panas terit, utai disadung tinggi endar takar, tat ke aja meh iya ga ka, ukai selalu.

Gawai Melah Pinang – Lundu

2009-06-19T23:49:00.008+08:00

6th June 2009 – Pengawa nikah di Kampung Tabuan, Lundu. Selamat Pengantin Baru ngagai Danny & Leha ke udah jadi melaki bini. Iya ke laki asal ari Lubok Antu/Sri Aman, iya ke indu (cousin of my wife) asal ari Lundu.

Seduai tu sama agi biak (twenty plus), sama sama graduate ari UiTM, iya ke laki gawa ba Medical Dept Bintulu lalu iya ke indu kerja ba Kumpeni di Lundu.

Pengawa udah mujur dikerja sarinya, ba sebelah pagi bisi diatur Church Wedding di Gerija Christ Church, Stunggang, Lundu, lalu sebelah lemai bisi pengerami makai malam beselamat ke seduai ke udah nyadi ba rumah pengantin indu di Kpg Tabuan, Lundu.

Paderi ke merkat ke pengawa seduai di Gerija enggau maya rami makai malam di rumah pengantin nya Father Jackson Jarau

Gerija Christ Church, Stunggang, Lundu

Ngaga pengingat – begambar enggau pengantin

Beratus iko - Penyampau pengabang ke bisi datai

Pangau ke alai urang bejaku, slideshow & Band Boys

Gambar maya betunang – 5th June 2008

Gambar malam nikah – 6th June 2009

Kami menyanak mulai ke diriempu ari Ng Pek, Debak kena ari empat (4th June 2009), rest sari aja di Kuching kena ari lima. Ari siti terus pecut mansang ke Lundu enggai ke enda ampit enggau urang ngabang Gawai Lelabi. Tu meh peluang nampung pengawa berami enggau diri sekaban.

Udah badu makai rami endar laban bisi Live band ari Kampung Siling merindang bala pengabang. Nyadi malamnya bisi slideshow, belagu, bisi bejoget joget, poco poco, ai irup free flow tang bala sama nemu nagang diri, nadai apanama malamnya.

Pengabang mayuh endar lemai nya, bisi lebih empat ratus iko. Ari sepiak lelaki pan mayuh mega datai, bisi catar bas sebuah dikena sida iya kelimpah ari bala bukai ke mai kereta diri empu. Ari sepiak indu enda iboh kiralah, endang menua diri empu.

Arapka seduai tu mujur begulai enggau pangan diri, munyi ko Melayu - moga kekal ke anak cucu.

Gawai Mangkung Tiang – Ulu Babu, Rimbas

2009-06-17T23:57:00.004+08:00

3rd June 2009, hari ketiga Gawai - enda nyadi pulai ke Kuching sarinya laban deka enggau urang ngabang ngagai Rumah Setang, di Ulu Babu, Rimbas. Rumahpanjai kami bisi kena ambi sida ngabang, nyadi paginya bisi tujuh iko kami serumah bisi datai ngabang nyengkaum Tuai Rumah Ng Pek enggau Sapit iya. Rumahpanjai bukai ke semak dia bisi mega kena kangau magang tang enda semua ulih datai, mensia bisi ke udah pulai ke nengri, sekedanya bisi pengawa bukai, tambahka agi sida di ili malamnya bisi rabat, taja pia mayuh ga urang datai.

Pengabang VIP ke bisi datai sarinya Menteri Sumber Asli dan Alam Sekitar merangkap MP Betong , YB Datuk Douglas Uggah, enggau ADUN Bukit Saban ,YB Robert Lawson Chuat. Sama bisi datai sarinya Residen Betong Romie Sigan Daniel, Setiausaha Politik Kementerian Sumber Asli & Alam Sekitar Dr Richard Rapu enggau sida Tuai Tuai Opis Perintah ari Bagian Betong. Sida pengabang tu enda datai mai jari puang sama bisi mai ubat serangkap genap, pengaruh gembar tubuh.

Laban sida serumah mayuh ke udah megai pengarap Kristian, nyadi pengawa sarinya bisi ngena cara sembiang. Paderi ke merkat pengawa paginya diambi ari Gerija St Augustine, Debak ianya Father Kebin Suur.

Sekeda pengabang ke bisi datai benong ngantik ba luar rumah

Babi panjab – benong ke manah endar di intu

Bala VIP baru duduk udahka dibai bejalai niti ruai

YB Datuk Douglas Uggah, Menteri Sumber Asli & Alam Sekitar benong bejaku

YB Robert Lawson Chuat benong nyendia diri deka ngajat musin ranyai

Encik Kalanang, pengari kami ari Nanga Pek baru deka berengkah ngajat ngelingi ranyai

Tu lah keterubah iya aku meda pengawa Gawai Mangkung Tiang ba rumahpanjai, ngelama tu semina bisi meda Gawai Mangkung Tiang rumah mit. Berasai untung ulih enggau urang sarinya, ampit ga meda cara urang ngereja Gawai bansa nya, sambil ampit ga meda gaya rumahpanjai baru zaman diatu. Ba blog sekeda kaban kitai ditu bisi sida nusoi diriempu benong berumah baru, nyau baka trend diatu, mensia mayuh besebut deka ngaga rumah baru.

Gawai Mangkung Tiang tauka ‘ House Warming ‘ tu besai endar reti ba sida ke empu pengawa. Tu meh tanda pemujur pengawa ke udah dikereja betaun taun, ukai nya nyamai berumah baru. Ari segi perengka, bahan kena ngaga rumah diatu makin mar, ari segi cara ngaga enda tau nitih penemu diri empu aja, ukai baka ngaga rumah sebuah sebuah, mesti sebaka runding baru mujur. Dataika ripih bilik, warna cat dinding enggau mayuh utai bukai mesti dikaum baru ngereja.

Nyadi aku meri jaku SYABAS ngagai kita di Rumah Setang, Ulu Babu laban udah mujur, rumah udah tembu lalu ngajih ke kita dia lantang senang, gerai nyamai nguan menua.

Gawai Hari Kedua – Ke Samu, Paku

2009-06-13T00:04:00.007+08:00

Formula kami sebilik ngintu Gawai tiap taun di rumahpanjai selalu bakatu, Gawai hari keterubah ngintu ba rumahpanjai diri empu, hari kedua bejalai ngagai rumahpanjai bukai. Kebuah iya bakanya, maya tu lah manah endar alai nemuai ngagai kaban bukai, maya urang bisi dirumah jam urang nadai mindah.

Taun tu kami bejalai ngagai menyadi aku di Lempaong, Betong. Rumah/langkau sida sebilik iya ke semak rumahpanjai dia. Kami nadai niki ke rumahpanjai laban anak aku ke biak meragam mai pulai.

Rumah panjai Lempaong, Betong digambar ari tanju rumah menyadi aku

Angkat ari Betong kami ngetu sekejab ba simpang Spaoh, meli upa lalis ke Laut ke bisi bejual dia. Laban ke udah semak menua Paku aku alu mai kami sebilik ke Nanga Samu, nemuai ngagai kaban/pangan ke sama gawa ba TM. Penundi iya aku ke Samu maya sida Gawai Antu taun 1997, zaman handphone agi mesai lengan (ATUR 450). Diatu nyamai endar sida ditu bisi coverage 013/019.

Berandau di bilik

Maya kami ke di Samu bisi temuai/pengabang ari jauh niki rumahpanjai sida. Kami menyanak kira sejam udah datai, baru ka mutar ke diri bejalai ngagai bilik bukai. Raban ke datai nya ari Sibu, sida nembiak sekula ari Methodist School (ko unggal aku), bala Boys Brigade. Sida iya alu di bai Tuai Rumah bejalai niti ruai ngapus ke rumah baru duduk ba ruai iya empu. Pengabang nya tadi diambat sida serumah ngena gendang, ajat enggau utai bukai meh, enda entu silik peda aku, enggai ke salah tusoi, aku rindang berandau enggau urang bukai maya nya.

Sida di Samu ngantik pengabang niki

Tuai Pengabang dilanggar ngena ai manis

Arapka sida tu udah besai ila agi ingat ke kitai

Kami mina sempat bejalai ngagai dua pintu aja, ukai enggai tama bilik bukai, bisi ga sida mai, tang bala nembiak meda udah semak ka pukul lima lemai, rauh rauh mai pulai, beguai ka mandi sungai.

Gawai Dayak 2009 ba Ng Pek

2009-06-11T22:38:00.011+08:00

Agi ka nampung cerita Gawai kami tu tadi laban ati agi dalam “Gawai Mood” tajapan jam diatu kitai nadai agi dalam “Gawai Mode”. Gawai kami taun tu kira di intu baka selama, kala iya rami agi ari ke taun tu leboh maya semua bilik sampal datai.

Ditu ukai aku enggai nusoi semua utai tauka pengawa ke dikereja kami maya Gawai tu tadi tang laban ke enda ingat ngambar sekeda utai tambahka pala endang selalu ngelu maya nya suba, nyadi diatu semina ditusoi secara ngelansa aja.

Lemai 31 May kami ngadu ke piring, semua wakil bilik datai ngagai Ruai ke endur pun Gawai taun tu mai capak mit alai engkah piring. Udah piring tembu dibagi iya alu dibiau, tembu pengawa miring sida ke tuai alu begendang rayah.

Ngadu piring Gawai, capak ke biru tiga iti nya enggi kami

Udah makai lemai kami begelumu ba Ruai Tuai Gawai

Siti ari acara udah ke ngirup Ai Pengayu

Pagi satu haribulan enam tu lah pedis endar ba aku, maya nya mata apin ka enchelak agi ka tindok, pala agi ngelu tang mesti dani laban pengawa Gawai mesti diteruska. Kena ngerak bala pagi ari, bendai enggau tawak dipangkung sambil bejalai niti ruai.

Pengawa ke terubah iya pagi nya ngagai tiang pengingat (bisi ngirup mimit dia), udah nya pengawa meri anak mit mandi, taun tu bisi tiga iko dianjung ke ai, semua lelaki. Udahnya begelumu Ruai urang meri anak mandi (ngirup baru ga ditu). Abis pengawa ba Ruai sida ke meri anak mit mandi, kami lalu mindah ngagai Ruai endur pun Gawai sebedau ngagai ngabang ngagai Ruai bukai ke bisi ngatur pengawa sari nya.

Ba tiang pengingat Ng Pek kena 1.06.2009

Tanda bisi pengawa meri anak mit mandi

Ibu dan anak duduk atas tawak, ngantik Tuai Rumah nata

Begelumu ba Ruai Tuai Gawai

Cikgu Morris Unong bejaku ngelalu ke pengabang

Ba atur Gawai kami ditu rumah dibagi tiga, ianya Ulu, Tengah enggau Ili. Taun tu kena idar sida ba Tengah nyadi ke pun ngintu Gawai, alai kami berengkah begelumu.
Kena taun baru ila, idar puting sepiak kami alai ke pun ngintu Gawai. Nguji meh tu ila, arapka ulih mujur baka ke sida ari group Tengah.

Aku bisi mega maca berita Gawai ari blog ke bukai, rindu endar meda gambar/rita sida. Cara ngintu Gawai sigi enda sebaka ba setiap endur, tang tuju iya sama. Maya Gawai tu meh kena kitai ngingat ke bansa diri, pendiau kitai sambil berami begulai enggau diri sekaban. Maya tu mega kitai patut berandau enggau pangan diri ke cara ngerapat ke kaul, meransang pangan diri enggau diri empu ambika ulih maju sebaka enggau urang bukai.

Seari Sebedau Gawai

2009-06-07T23:55:00.005+08:00

Ba bansa kitai, pengrindu maya Gawai tu ukai semina lebuh kitai makai, ngirup begulai enggau pangan/kaban diri. Sama dikerindu mega maya kitai ngereja pengawa kena nyendia ke Gawai baka pengawa mela babi ke udah dibunuh, beketak, betunu, ngelulun asi enggau mayuh pengawa bukai.

Maya bujang kelia, maya apai indai agi bisi, zaman jalai alun apin bisi datai ba pala tangga, hari nyembelih tauka hari sebedau Gawai nyadi nya meh rindu endar, rindu begulai enggau panggan diri bebuti, berandau, betanya ke rita lebuh maya ke apin entu ngelu.

Tang diatu, zaman aku empu nyadi Tuai bilik kami, approach ke dikena aku lain agi. Ukai enda rindu agi ke cara lama, tang enda tulih ke ngereja sekeda pengawanya, tubuh pan nadai entu maioh. Philosophy aku tentang Gawai tu kitai anang entu kelalu stressful ngereja pengawa, relax mimit meh kitai.

Pagi ari nembiak agi relax meda TV

Ruai apin di ancau ke tikai, lemai lagi ngadu ke iya

Sari sebedau Gawai bala ke bisi enggau pulai ka meda Pasar Debak, ke ngirup kupi makai mee di Saratok. Aku empu pan ka meh ke pasar laban dagin, manuk apin dibeli. Target kami mesti pulai baru ke rumah sebedau tengahari, enggai ke nadai ari agi nyendia ke Gawai. Terubah iya kami ke Debak udahnya ke Saratok.

Pasar Debak, bisi berubah – jalai nadai agi road divider, good for motorist

Pulai ari Pasar aku alu beganjuh ke Nanga Tot, bejalai ngagai menyadi aku kia, bisi minta sangkung sida ngelulun asi. Datai dia meda sida agi benong beketak, tang utai ditunu udah mansau, ai semetik pan bisi meh. Enda manah kitai mansa aja maya urang gawa, ngetu dulu ga kami, bejeput ke utai ke udah disirap sida iya dia. Iya agi anggat nya nyamai endar.

Besaup – bala sida di Ng Tot benong beketak

Bisi ka ngemata aja, termasuk aku empu lah

TR Achan anak Ambas, benung ngelulun asi

Kira pukul tiga tauka pukul empat lemai, semua pengawa ditanah patut udah siap, tu meh maya kitai tau berengkah ngemenat ke tubuh ke udah lelak. Pengawa tu selalu iya impromptu, nadai dalam programme tang selalu dikerja. Iya ke endar tu meh maya Gawai berengkah.

Nanga Pek's Bloggers

2009-06-05T23:51:00.008+08:00

Maya Gawai Dayak tu tadi aku bisi begambar enggau dua iko Blogger ari Nanga Pek, Apaienduq enggau DE Saratok. Kami tiga enda sama bilik, rumah panjai Nanga Pek bisi 14 pintu, aku ngintu bilik no. 1 ba pala tangga ili, Apaienduq ari bilik no. 14 tauka pala tangga ulu, DE Saratok ari bilik tengah. Kami duai Apaienduq sama datai kena aribulan 30 May, DE Saratok taun tu ngintu Gawai di Spuna, Paku ba rumahpanjai mentua iya, tang bisi datai lemai 1 aribulan June.

Gambar dibaruh tu diambi ba bilik sida DE Saratok, mua mirah tanda sama sama udah bulih, endang sigi gaya maya Gawai.

Tiga Bloggers (ari kiba) Pala Tangga, DE Saratok & Apaienduq - sigat magang

Sama dibai begambar (ari kiba atas) Anthony Watt, Christian Entaban, Philip Rofus and Marvin

Bisi mega datai ngabang ngagai rumahpanjai kami kena 1.6.2009 nya blogger Ibankiih @Kirai Rimbas, spesial ba aku laban tu meh terubah iya kami dua Ibankiih betemu, ngelamatu semina berandau dalam dunya siber. Ibankiih tu dijemput aku nemuai ngagai rumahpanjai kami kenyau ari iya agi ba menua Lebanon suba. Maya Gawai tu tadi iya bisi pulai ngagai rumahpanjai iya empu ba Rapong, Debak. Nitih ke tusut kami dua tu sekaban tang nadai kala betemu.

Blogger Ibankiih, mangku anak iya ba Ruai sida Apaienduq

Gaga endar ati laban ulih betemu enggau kaban blogger, semina sayau meh laban blogger Ibankiih enda sempat betemu enggau blogger DE Saratok ke apin datai maya nya suba. Blogger bukai ke bisi ba Nanga Pek maya Gawai tu tadi nya Dr Sebastian, menyadi DE Saratok.

Family gathering, Dr Sebastian (baju biru) duduk di antara bini enggau apai iya

Taun baru ila jangka aku mayuh agi bala ngaga blog, arapka sida bukai ke udah bisi blog madah ngagi kitai awakka ke kitai sama ulih bekunsi berita enggau pangan diri.

Pulai ngintu Gawai 2009

2009-06-04T23:52:00.004+08:00

Selamat Gawai ngagai semua, baru datai ari Ng Pek, Rimbas lemai tu tadi. Agi berasai lelak laban udah driba mai muto ngelama 5 jam lebih ari Debak.

Begelumu ba Ruai Tuai Gawai kena 1 June 2009

Pengawa pengerami Gawai kira udah tembu, bala ke datai ari jauh udah ga maioh pulai.

Kami menyanak mupok ari Kuching kena 30 May 2009, jam 5.30 pagi. Bala ipar aku pan bisi mega enggau sama, tu kedua kali sida begulai enggau kami ngintu Gawai di Nanga Pek.

Ngetu ba simpang semak Stabau, ngeluie Balai Ringin, rest sekejab

Kami mansang ngena dua buah kereta, lima iko dalam sebuah muto. Sekali tu kami enda ngetu di Pasar Lachau tauka Sungai Tenggang baka selama tang tama simpang Stabau, jalai ngagai alai urang nupi babi (jalai baru). Dia kami relax kira setengah jam madam injin muto, neju ke iya chelap sambil makai bekal ke dibai ari rumah.

Kebuah ke enda tama ba Lachau tauka Sungai Tenggang ukai enda rindu ke menua dia tang enggai bebalut berebut enggau mensia ti kelalu mayuh ngetu dia, enti kitai duduk ba kedai ngoder mee kadang kadang lain asai panduk sida iya, laban beguai ke urang kelalu rami.

Ba simpang Layar mesti ngetu laban deka ngisi minyak muto, tang sebedau nya kami tama ngagai R & R sepiak kiosk Petronas ngulihka nyamai agi kemi enda ibuh berebut ke agu baka ba stesen minyak. Pemeresi utai dia kira standard biasa, mayuh jamban kedai kupi ba Kuching kamah agi ari nya.

Angkat ari Petronas Betong kami terus ke Nanga Pek nadai agi ngetu, menua pan udah semak. Datai di rumah panjai, barang enda terus diangkut niki, agi diteju ke dalam kereta, kira sejam sida indai iya besapu, ngemop, betepas ke debu baru kami mindah ke barang ke rumah. Kebuah iya laban bilik endang nadai urang diau, kami pan jarang ga ngabas rumah.

Capak Astro, tiap kali datai ke rumah panjai baru masang ba dinding luar

Udahnya baru aku masang capak Astro awakka bisi kena ngerindang nemiak, awakka ke enda kelalu balat begagai sebelah ruai enggai ke digagai ukoi ba tempuan.

Kami menyanak diau ngelima malam dirumah,baru pulai saritu. Tajapan asaika agi belala diau dirumah panjai, kitai mesti pulai ke nengeri, nitih pengawa. Lebuh datai tadi berasai gaga endar ati laban rumah ke ditinggal ngelama lima aritu selamat, nadai apa nadai nama. Bekau ular pan nadai, tang kami bisi nabur ke sulphur semak pintu, nyangka ngasi meh petuanya.

Sulphur ditabur ba mua pintu dapur, kena nyaga ari Tedung

Mayau ke ditinggal pan agi idup, kami bisi mesan ngasuh jiran sepiak meri iya makai. Jambu ke ditusoi aku suba udah nadai agi, abis dikarang sebedau pulai ke menua. Baka ka beganti, diatu pun mango kami udah berengkah bebunga. Jangka aku dua bulan ila bisi dipansut ka ditu gambar buah iya.

Bunga Mango baru pansut

Rita bukai ila nusoi, agi lelak endar. Gambar maya Gawai bisi ga aku ngambi, tang camera aku kadang kadang meragam, mupok dulu, ila becerita baru.

Selamat Hari Gawai Dayak 2009 !!!

2009-05-29T10:14:00.003+08:00

Saa… dua .. tiga .. empat .. lima .. enam .. tu … juh !!!
Ni kita petara aki petara ini ... kitu magang
Aku tu ngangau kita datai
Laban kami deka ngintu Gawai Dayak
Nitih ka pekat nitih ka adat kitai Sarawak

Aku ukai ngangau ngapa, ukai ngangau pia,
Aku mai kita ngabang, mai kita mansang,
Mai kita makai, mai kita nandai.
Aku mai piring, mai ading,
Piring penganan, piring penyaran,
Piring Arak, Piring Tuak,
Udah sedia, udah nyengenda,
Ditikai wi, tikai peradani,
Ditikai rutan, tikai bemban.

Oooo .. Ha .....

Kita ke ngabang bakanya mega,
Anang tuboh puang, tuboh sabatang,
Anang mai tuboh murus, tuboh untus,
Kita ke ngabang bakanya mega,
Anang tuboh puang, tuboh sabatang,
Anang mai tuboh murus, tuboh untus,
Tang mai ubat serangkap genap,
Dikena ngubat sida Tuai ke agi Lap
Sida ke enggai ke nama Dayak
Enda rindu ke bansa kitai dulu kelia
Awakka sida gerai baka kitai
Tau bai besulu nyamai enggau begulai

Aku besampi minta iching, minta perening.
Awak ka kami mudah bulih duit, bulih ringgit,
Bulih padi, bulih puli, bulih reta, bulih tengkira,
Awak ka sida anak, sida ke biak pandai sekula
Bulih degree, bulih PHD
Bisi diploma, nyamai ngiga kerja
Kami ke gawa niki pangkat bulih pingat
Manah prestasi, niki gaji, saham niki, minyak turun !

Nya alai dinga ka kangau anak mensia, kangau anak uda,
Minta tulong, minta sukong kita.

Oh... Ha ...

(Disclaimer - Biau tu di ambi / modified ari urang bukai, sampi asal bisi nyebut bulih setawak bulih seganak, aku ukai enda beguna ke setawak tang ka agi minta bulih microwave oven, flatscreen tv, notebook, iPhone etc enda nemu ngerintai iya ba leka biau tu..hehe heh)

From Serikin to eMart

2009-05-28T22:26:00.005+08:00

24 May. Tengahari minggu tadi kami menyanak bisi bejalai ngagai eMart di Matang, our first visit. Sambil deka ensepi asai penyelap air con dia. Urang enda entu mayuh, aku pan bisi ngisi borang nyadi member eMart awakka bulih discount enti meli barang sida.

Pansut ari kedai lalu besatup enggau tarikan tauka umpan sida eMart … kereta Viva. Tu prais lucky draw, sapa ke meli barang eMart lebih ari RM80.00 dalam siti resit tau enggau cabut undi. Aku nadai mimpi malam tadi tang laban rega utai beli lebih seratus ringgit lalu ditepu aku dalam kereta ga resit kami. Ba resit ke udah di chop ba counter bisi ditulis nama, lumor IC, no h/phone.

Taju Remaung, prais lumor satu kena ngumpan kitai bebelanja ba eMart

eMart tu ba penemu aku bisi ga pemanah iya, rega barang bisi murah mimit tang sida mesti improve Customer Service dia. Dalam Kuching tu peda aku nadai ngelaban Customer Service ba Everise Batu 4, sampai ngagai kereta sida ngiring kitai nganjung barang. Supermarket bukai semina merening kitai aja sida iya, baka ka enggai ibuh ke pelanggan.

Pagi tadi bejegau ngagai Serikin kami menyanak, penundi kami kia dalam taun 2006. Mayuh perubahan peda aku, kedai mayuh agi, endor parking bisi disediaka ba pun jalai. Tang kami parking jauh kedalam, laban udah teleba nyimpan kereta dia, bayar semina RM2.00. Utai di jual baka ke suba, nadai mayuh ubah, nyual kain, barang main, batik, buah, keropok.

Marvin udah bulih ayam, enda tau enda meli

Sekeda utai ditu datai ari Kuching, di beli urang Kuching baru

Ba menua ditu, mutosikal tau enda ibuh belisin

Enda datai tiga jam kami lalu pulai, bisi ga meli utai mimit, ari balat endar panas ba menua dia. Datai di rumah, baru nemu game ke dibeli anak tadi enggai nyadi, rusak. Sangka aku ketawa Indon ke nyual iya tadi. Silap kami nadai testing, laban anak aku tadi udah dijengkau iya lalu enda dilengka. Aku kiruh betawar ke rega, meda iya ka diturunka rega alu enda ingat ngetest.

Daytrip ngagai KL

2009-05-23T00:50:00.011+08:00

21 May, Travelling pulai-ari ngagai Nanga Lutak (KL), mansang ngena bilun Air Asia pukul 9.00 pagi, pulai ngena bilun MAS pukul 10.00 malam. Batang pejalai deka enggau urang mending ke penerang pasal financial performance kumpeni suku taun pertama. Ari LCCT ngena bas, ari jauh indu nyual tikit udah senyum ngumbuk kitai meli. Datai ba KL Central baru ngena teksi ngagai upis kami ba Menara TM, enchadi ke enda bejalai kaki niki bukit enti aku ngena LRT.

Menara TM, endur ke dituju nya ba tingkat 50

Leboh ke nepan teksi sempat ga meda penusah ba jalai alun, indu tambi ngena mutosikal kena lantak mentuka. Driba teksi ngetu nulung indu nya sekejab, leboh kami mupok agi duie duie tudah tuai nyabak tisi jalai, peda aku bisi bakal ba kaki.Bisi urang bukai nganjung iya ke Spital udahnya.

Mutosikal garing garing kena lantak ba Jalan Bangsar, KL

Sebedau begelumu ba Dewan Besai sempat aku ngabas pangan bukai gawa ba unit HQ. Sempat berandau enggau begambar enggau sida. Aku merati ke Culture sida ditu jarang makai tengahari, ukai pasal diet tang sangka aku udah makai jam pukul sepuluh.

Begambar enggau colleagues ari Penang, Malacca & KL

Bisi ujan mimit, gambar madangka Wisma Cygal, bisi upis TM dia

Gambar ari tingkat 50, madangka padang hoki Tenaga Berhad

Udah tembu mending ke jaku/pesan ari Tuai Telekom enggau pengawa bukai ba upis, aku al uterus nepan LRT ari stesen Kerinchi nitih pangan aku ngagai stesen Pasar Seni. Udahnya iya pulai ngena bas ke Seremban, pukul sembilan malam baru datai dirumah ko iya, pagi nurun kerja pukul enam. Merinsa endar gawa ba KL enti bakatu, nasib aku ulih besilat nulak tawaran gawa dia maya baru bebini suba.

Segau segau ba Petaling Street, apin entu mayuh urang maya nya

Stesen LRT Pasar Seni, jam pukul 7.13 lemai, ari agi terang ba KL

Model ERL, eni enda maya Sarawak bisi keretapi bakatu

Aku alu sesegau bejalai ngagai Petaling Street, nadai ga meli utai dia, enggai kiruh bebincing ke utai ba bilun, udah ngirup ai mata kucing aku mulai ke diri ngagai KLIA ngena LRT ari stesen Pasar Seni ngagai KL Central, ari nya ngena ERL. Aku endang jarang ngena teksi ba KL, baka lemai ari balat endar jam.

Bisi endar bida KLIA enggau LCCT ari pemayuh mensia, ba LCCT pagi tadi mayuh endar urang, KLIA ta puang peda aku. Ba smoking lounge pan mina bisi siko dua iko aja urang nginsap.

Nadai urang bukai, kediri aku aja ba smoking lounge, gambar tu di snap cleaner Bangla

Nyamai endar nepan bilun MAS maya pulai laban enda penuh, kurang ari setengah bala pasinjir, stewardess pan gaga meh laban nadai mayuh urang di intu. Bilun terengkah ba Kuching pukul 11.58 malam, datai di Rumah semak pukul satu. Lelak endang amat lelak tang siti penyamai traveling pulai ari tu kitai enda ibuh packing ke gari.

Killer near the House

2009-05-19T22:52:00.004+08:00

Terkenyit endar meda utai tu semak rumah kami, sapa meh bujang tu betukar garik, ngena baju baru tang ngepan lama ditingalka iya ba menua kitai. Ular tu enda tau dimain kitai, very venomous, enti sawa berani aku ngelaban, kala munoh jelunya kelia, tang enti Tedung tu ka berunding dulu meh kitai.

Ari gaya gamal tu, sah kulit ular Cobra

Bulan nyin kemari mayau kami bisi beranak, enda datai sebulan nadai agi meda, lenyau. Kumbai kami tesat sebelah housing ditu, tapi diatu kami sebilik suspek endang si Bujang Tedung al-Senduk tu meh empu hal.

Cute kitties, sayau amai anak mayau udah ditelan Cobra

Sinu amai meda indai mayau ngiga anak iya, kiaw kiaw tudah iya merening kami baka ka nanya. Mayau tu iya ke bendar ukai mayau kami, enda nemu sapa empu - stray cat, tang laban meda enggai pulai ari rumah kami diberi anak aku makai, nyau dibelika whiskas enggau utai bukai. Udahnya beranak dalam store kami dibelakang rumah, apin sempat meri nama alai udah ditelan ular.

Nadai cara bukai meh tu, besedia ke kayu, enti bisi meda gagai, sipat, palu.

Nebas Pendam SDNU Siol Kandis

2009-05-17T22:36:00.003+08:00

Sun, 17 May- Pagi tadi bisi enggau urang nebas pendam Kampung Siol Kandis, pengawa tu di ator Komiti Pendam, SDNU pampang Siol Kandis. Sida begerah ba RTM mesan ngagai sapa ti bisi ngena pendam nya datai meresi kubur apai indai/kaban belayan diri empu, seninjik ga bisi ninga pesan, manah agi pendam tumu dibersi awakka semina nganjung bunga/nungkun dian semak hari Gawai ila.

Maya ka nebas ba pendam tadi aku bisi betemu enggau Thomas Tegong Laka, veteran announcer RTM bagian Iban. Lama kami duai berandau, iya tu suba bekas jiran aku ba Siol Kandis.

Begambar enggau Thomas Tegong Laka ba Pendam SDNU Siol Kandis

Bala kaban SDNU nebas kawasan pendam ngena bushcutter

Pendam SDNU Kampong Siol Kandis tu terubah iya dikena dalam taun tujuh puluhan. Majoriti ke ngena pendam tu urang Kristian Anglican tang urang Kristian bukai ari Gerija Katholik, SIB enggau Pagan pan bisi mega tau ngena Pendam tu selagi sida urang asal ba Kampung Siol Kandis.

Al-kisah Buah Jambu

2009-05-17T18:32:00.014+08:00

Diatu pun jambu kami ke ba tisi rumah benong bebuah, penundi iya bebuah maya Hari Christmas taun nyin kemari. Jambu bansa tu enda bemusing tang pun ke ditanam entua aku ditu baka ke bebuah dua kali setaun. Sekali tu lebat agi buah iya peda aku, enti di itung anggar aku bisi dalam 300 igi, sekeda dan iya agi bebunga.
Jambu Ai, baru mansau

Pun Jambu, tanah enda besai semina nanam sepun aja
Pemesai buah iya kira kira 5 – 6 cm, asai iya sedang pemanis, nyamai endar enti di empa ngena garam, tauka sambal belacan.

Aku ngambar pun enggau buah jambu tu berengkah ari bulan tiga, terubah iya maya iya baru bebunga, ka meda penyampat iya besai, kira ngaga kajian meh keno jaku. Ari perati aku, buah jambu tu tau diambi selepas 7-8 minggu udah iya bebunga. Aku ngambar iya tiap ari enam tauka ari minggu.

28 March 2009, baru bebunga

11 April 2009, bunga mechah keluar

11 April 2009, burak tanah laban bunga gugur

18 April 2009, lepas bebunga, jai gamal iya

26 April 2009, udah bisi buah mit mesai tunjuk

2 May 2009, buah udah besai mimit, geram ati ka ngetil

9 May 2009, apin cukup besai, agi kelat enti dempa

17 May 2009, At last udah tau dikarang

17 May 2009, nasib endar ga pun enda tinggi, nyamai di jengkau ari tanah

Pun jambu tu udah ditanam kira kira 3-4 taun, peninggi iya kira kira 12 kaki, enggi kami tu nadai entu dibaja, tang ok ga gamal pun iya. Ambika pakai diri empu cukup, bisi ga diberi dibagi mimit ngagai kaban ke mansa datai kerumah.

Anugerah Pekerja Cemerlang 2009 - Jatan Kidu

2009-05-14T00:29:00.006+08:00

Aku deka meri tahniah enggau pengaga ati ngagai Jatan anak Kidu ke udah bulih gelar Anugerah Pekerja Cemerlang 2009 (Category OKU). Gaga enggau rindu ati laban iyatu pangan aku, sama enggau kerja ba Telekom (TM) lalu kelebih agi pemenang Anugerah Pekerja Cemerlang taun tu bansa kitai Dayak. Menua asal ari Serudit, Paku, Spaoh.

Jatan nerima Anugerah tu kena 2-5-2009, bisi pansut ba TV1 sarinya maya tengahari ngayanka Jatan nerima Piala ari Prime Minister kitai, DS Najib ba Bukit Jalil, KL.
Jatan nerima trophy Anugerah Pekerja Cemerlang ari Najib

Jatan begambar enggau pemenang bukai

Kami dua En Jatan sama sereta ngelapur diri kerja ba Jabatan Telekom taun 1983, sama enggau urang kursus masang kabel dalam/baruh tanah, tang penemunya nadai kala dikena kami duai. Dalam kadang 26 taun kerja ba Telekom kami dua mayuh betukar unit, kadang kadang begulai, diatu enda sama Unit. Taja nadai agi begulai upis, aku nemu Jatan endang patut nerima Anugerah Pekerja Cemerlang, walaupun iya tu betaraf OKU, iya diberi kerja sebaka enggau urang bukai. Suah agi produktif ari sida ke bukai.

Sama sama sigat, Jatan (left) and myself. Aku biak setaun tang besai mimit aja ari iya

Nitih ke rita ari iya empu, sarinya iya nerima ari DS Najib piala siti, certificate enggau pala agung .. RM RM meh nya. Bisi dikena ujung bulan tu enggau pun bulan enam ila.

Snippets/Soundbites 20090513

2009-05-13T23:41:00.003+08:00

Nampung kenang pekara ti nyadi tauka selalu disebut kemaya ari tu.

1. Selsema Babi
Rega manuk diatu niki, makin mar ketegal mensia jarang tauka ngelaung ke dagin janik Tang ba kedai kopi mi kolok enggau kway chap agi laku.

2. Altantuya
Nadai agi ninga rita sida tiga iko tambab ke mai kek birthday ngagai Putrajaya. Semua sida iya 30 iko ari raban ke ngelar diri Solidariti Anak Muda Malaysia (whether the group is legal or not is another story). Sida tiga ke ditangkap nya siko mai kek, dua iko megai banner ke betulis “Happy Birthday Altantuya”. Enggaika nadai cerita meh sida tu.

3. Krisis DUN Perak
Maya aum DUN kena 7-5-09, capuh baka Parliament Taiwan sida YB ADUN Perak. Speaker Dewan sampai 6-7 jam enda angkat ari kerusi, ke jamban pan nadai meh enggaika penuduk diambi urang, pengujung iya di irit Polis keluar tudah tuai.

Udah nya kes pechara ba Mahkamah, ngiga sapa ke betul tau jadi MB Perak. Terubah iya YB Nizar menang, gaga meh tudah tuai, begegas pulai ngagi Ipoh. The guy was so excited that he even update his blog . Dr Zambry pan enggai alah, iya alu nusoi sebana diri dalam blog iya empu, nyembaka ke diri enggau Gandhi seduai Mandela.

Pagi siti Dr Zambry niki upis Mahkamah, lalu dikemendar ke sida ngapil, naka ke diatu tau ngereja pengawa jadi MB.

Enda alah tusoi jerita Politik Perak, bebelit agi ari wayang Hindustan, asaika ka ngiga gitar aku alu mai lagu “….. it’s a long and Winding Road ….”

4. Tun Abdullah
Terubah iya Tun dilantik nyadi Advisor kumpeni bilun Malaysia Airlines (MAS), udahnya ditambah ke siti agi pengawa nyadi Advisor ke National Corridor Development. Manah mehnya, bisi ga nambah ke pencen tudah tuai. Tang enti disbanding enggau Tun Mahathir ke diberi nyadi Advisor ke Petronas enggau Proton, tajapan Tun M glamour agi bisi upis ba Petronas Twin Tower, tang Tun Abdullah untung agi laban ulih nepan bilun free kia kitu, bini pan agi regas, nyamai dibai raun kia kitu.

5. Rega Minyak
Anang enda ngadang ngadang kitai, peda aku rega minyak diatu niki seniki, diatu udah semak USD60, suba maya aku ngelekat ke widget nya ba blog tu kurang ari USD40.

6. Leka Jaku Dayak
Enti enda tau agi dikena leka jaku “Dayak” munyi ke sebut siko ari Menteri bansa kitai, bulan enam tu ila kitai nyambut “Gawai Iban” tauka “Gawai Bidayuh” laban nadai agi Gawai Dayak, nyamai agi kitai ngintu Gawai Lelabi, udah badu Gawai kitai bulih lelabi.

Nya aja, mupok aku.

Mentuka Belantak di Jalai Matang, Petra Jaya

2009-05-10T23:45:00.003+08:00

Empat buah kereta belantak ala “accordion” ba Jalai Matang semak Supermarket Century. Kami tepeda ke tu jam 11.00 pagi leboh ke mansang ngagai Sunday market ngiga sayur. Iya ke balat endar rusak muto ditengah- Proton Iswara Aeroback, ba luan ngelatak Proton Persona, kemudi iya kena lantak Wira.

Tambah ke mensia nang mayuh endar saritu agi begau ka meda Pasaraya baru, eMart. Sida ke belantak tu ukai ke ngagai eMart tang nuju simpang ke bisi traffic light ngagai Taman Matang Jaya. Selalu utai bansa tu ketegal sida ba mua nya nekan emergency brake, alu betampung tampung meh sida belantak ke burit motor pangan diri.Asal bisi eksiden bala tukang tarit motor jampat datai
Baka biasa meh, udah utai tu nyadi bala driba pansut begambar ke motor, bekelala enggau pangan diri, udahnya sama sama bejako ngena handphone nganggau kaban belayan. Ambulan kereta tarit pan datai, enda ibuh dipadah nadai dikangau tiba tiba bisi muncul, urang tu selalu standby 24 jam.

Ukai kitai minta pekara bansa tu selalu nyadi, tang kebuah deka nusoi cerita tu awak ke kitai semua (termasuk kami sebilik) selalu besabar ba jalai alun. Sembiang mimit dulu kini sebedau nyetat motor.

Latest Shopping Attraction in Kuching !!

2009-05-09T21:34:00.005+08:00

Supermarket eMart Lee Ling ba Matangjaya, Petrajaya udah berengkah bejual barang ari kemari. Tu ke ngasuh balat endar traffic jam kami di Matang saritu, laban mensia semua berebut ka meda utai ke dijual ba kedai ke baru dibuka nya.

Matangjaya diatu makin maju, kedai makin mayuh lalu DBKU pan makin senyum, laban taun baru ila menua kami ditu nyangka kena pegai Bandaraya Kuching Utara, nadai agi di intu sida Majlis Perbandaran Padawan (MPP).
Mensia mayuh ngabas Supermarket baru - eMart Lee Ling
Kami menyanak apin enggau urang ngabas kedai baru tu, kelalu mayuh mensia parking nadai endur, bisi maya sida enggai agi kia ila baru kami mansang nemuai meda utai dia. Pia agi barang dirumah ditu baka garam, kupi, beras enggau gula agi mayuh, ba penemu aku enda ibih enggau urang begelut dia. Tambah agi asai ke nadai kaban belayan tauka urang bukai ke dikelala bejual dia. Tang kita bukai enti deka meda ngabas Supermarket tu tau meh datai, nyangka bisi cheap sale.

External Harddisk 320 Giga bytes

2009-05-08T23:50:00.003+08:00

Pengawa bemain download tu gian endar, suba udah meli external harddisk 120 G, maya nya suba rega iya RM380. Lebih setaun udah penuh di isi enggau semua utai enda entu pasal. Movie lebih 200 iti, lagu MP3 semak 5,000. Ni agi utai bukai baka file kerja, data, records, powerpoint presentations.

Enda ulih tat ke agi meli baru, Cina kedai pan selalu ngasuh meli. Terubah aku minta harddisk one terra byte. Apin bisi ko sida, iya ke bisi bansa internal harddisk dikena desktop. Aku pan nemu meh utai nya laban udah meda iya ba Spring suba.
Iya ke biru nya harddisk lama 120G, iya ke baru nya 320G, internal harddisk 80G, semua 520G, nya baru puas ati setengah terra Gig semua
Pengujung iya meli ke bansa 320 gig, bansa biasa, dua taun gerenti. Rega iya RM300, murah agi ari ke iya lama. Ulih muat kira kira lebih 50,000 lagu tauka 500 movie, enti semina lagu aja disimpan aku retinya siti lagu rega iya 0.6 sen, enti semina wayang tukis aja disimpan aku dia retinya setiap movie rega iya 60 sen aja, murah agi ari VCD cetak rompak. Of course lah movie tu semua download, kira sama berompak meh nya. Tang nadai hal ba aku laban sida Hollywood udah kaya.

Tang ukai semina lagu enggau movie aja disimpan aku dia, harddisk tu udah di partition, bisi disedia aku bilik siti alai file kerja. Enda iboh bebincing ke notebook kia kitu.

Snippet/Sound Bites 20090506

2009-05-07T00:10:00.003+08:00

Ngenang sekeda pekara ti nyadi tauka selalu disebut kemaya ari tu.

1. Selsema Babi

Diatu disebut kitai ngena nama baru H1N1.

Manah endar penemu tu laban penyakit tu ukai bejangkit ari kitai makai babi. Suba rauh rauh ba TV besebut pasal selsema babi, selsema khinzir ke ngujong kitai ke makai babi enda nyamai asai. Gawai pan nyau semak, nyadi kitai anang rawan ati pasal lauk asal kitai tu, ko jako Lutor penyakit H1N1 tu bejangkit ari ‘human to human ‘, kuman bejangkit ari orang bersin, batuk, beludah kin kitu etc.

2. One Malaysia

Konsep tu manah laban tuju iya nyerakup ke semua kitai ba menua tu, tang ukai semua dalam tu udah terang ba kitai. Bakani ko pasal bansa enggau agama.

Tauka utai tu semina slogan baru, awakka bisi bida enggau iya ke lama. Baka selama asal bisi penemu baru mesti bisi lagu, diatu benong di giga.

3. Altantuya

Lalu enda nemu badu cerita pasal niang tu, saritu (6-5-09) tiga iko urang udah ditangkap polis nitihka rita ari Malaysiakini. Mapap ga pengawa sida tiga tu, meli birthday cake sigi lalu dibai ngagai Putrajaya ngiga Datuk Najib mai iya sama berami ngintu hari jadi Altantuya.

4. Krisis DUN Perak

Panjai endar cerita tu, teringat aku ke lagu Eric Clapton “I Shot The Sheriff” ke popular dalam taun tujuh puluhan. Leka lagu iya munyi tu “I Shot The Sheriff, but I didn’t shoot the Deputy ….. “.

Ketua Menteri Perak ari PR udah ulih dibuai (legality pending court decision) tang Speaker Dewan agi mengkang, lalu iya tu lah ke begantung ke urang kiba kanan, agi nyadi penanggul sida BN ngereja pengawa. Mentuka Camry pan agi ba iya, laban iya endang apin badu jadi Speaker DUN.

5. Isu Agama Anak enti siko ari apai indai masuk Islam

Kes tu sensitive, tang patut diperatika kitai. Bulan nyin kemari Kabinet udah meri pemutus jaku enti siko ari apai indai nembiak masuk agama Islam, anak sida agi mengkang megai pengarap asal.

Pekara tu balat endar enda dipesetujuka sida ari Parti Politik Bulan, mayuh sida bekenang ke diri ngenggai ke utai tu. So it is back to square one, apin entu tetap.

6. PPSMI – Ngajar Sains & Matematik dalam jako English

Menteri Pelajaran apin berani ngemutuska pekara tu, tu utai besai ko iya nyadi enda tau kelalu beguai meri keputusan.

Aku irau ke iya empu endang enda setuju ke utai tu, nya kebuah laun ngatur. Tauka laban takut ninga bantah ari sida ke balat endar ngenggai ke anak kitai belajat Sains & matematik ngena jako urang putih.

7. By Election Penanti

Ari sepiak PR udah sedia manuk sabung, bulu udah dikelala, manuk lama bisi kala udah disabung tang nadai kala menang. Enda nemu meh kitai sekali tu, nyangka mimpi iya manah agi kini. Kangau tu apin disambut, nyadi keenda nyabung iya ke diatu apin temu.

Nya aja, ila bekenang ke pekara bukai.

Fund Raising Dinner Chapel Bandar Baru Semariang

2009-05-02T00:34:00.005+08:00

Lemai hari lima tadi kami menyanak bisi enggau urang fund raising dinner ba Crown Imperial Hall, Crown Square, Pending. Pengrami tu di atur Gerempung Women’s Fellowship Parish of St Paul Siol Kandis, tuju ke begelumu makai lemai nya kena ngumpul duit kena ngaga Chapel ba Bandar Baru Semariang.

Patron kami malamnya YB Puan Sharifah Hasidah Sayeed Aman Ghazali, ADUN N7 Semariang. YB tu datai kediri enda mai laki lalu bisi besemaya deka meri RM15,000 kena mantu/nambahka duit projek ngaga Chapel. Manah endar meh nya laban YB Laut bisi penyinu ke kitai bisi mantu meri duit, arapka iya udah pulai ila agi ingat ke semayanya. Nyadi lemainya pemakai kami semua halal, beer pan nadai dijual baka ke ngelamatu, tang bisi siko dua iko kaban smuggle seput dua ari rumah.

Notis semak mua pintu. Apa reti "fung" ?

YB Hasidah tekenyit kena gambar aku leboh iya mansa meja kami

Me & my Missus nganti maya makai
Mayuh bala paderi kitai Anglican bisi datai malamnya, Father Kendu Kelin maca Opening Prayers; Rev Father Jugah Adi ngena tiga bansa jaku (Iban, Laut enggau urang putih) maya welcoming speech; Father Mathew Ubun maca blessing of the food. Band dikena malamnya – Maya, band popular di Kuching. Pengawa bukai malamnya baka selama – sponsor lagu, suara emas etc.

Penyampau meja – 100 iti semua abis dijual. Rega tikit antara RM350 – RM450 siti meja, enti siti meja untung RM100 tau bulih RM10,000 ari rega meja. Suara emas ulih ngumpul RM796, sponsor lagu bukai pan bulih beratus, derma bukai baka nyual kacang, bunga etc. Estimate aku malamnya sida iya ulih ngumpul semak RM 28 – 29 ribu, tu nyengkaum danji YB ke deka meri RM15,000. (Pledge aja, hopefully the committee will be successful in their follow up).

Upgrade RAM notebook

2009-05-01T18:15:00.001+08:00

Dua tiga minggu tu aku bisi masalah pasal notebook ke dikena aku dirumah, selalau BSOD tauka padam kediri empu, suah agi lebuh maya ngabau Blog kaban ke bisi music tauka heavy graphic. Ukai semina nya lebuh startup sampai 30- 40 minit baru idup PC aku. Enda nemu kebuah iya, nyangkanya kena virus, RAM rusak, bisi kena pansa utai kini ketegal masuk menua sebayan Cyber digagai.

Puas aku berunding lalu mutus ati deka nukar RAM, nanya ngagai kedai Cina nadai mayuh jaku sida, asal kitai meli barang betul aja cara ngubat ba sida. Diatu aku ngena 2 Gig RAM, suba half gig.

RAM lama buatan Korea, enda nemu guna enggau iya agi, simpan ambi ke pengingat kini.

Bisi insur mimit ga udah upgrade RAM, memory mayuh agi, program ulih mayuh agi dibuka sereta. Tang masalah padam kediri empu kadang kadang agi bisi. Nyangka iya enggai anggat kini, lelak dikena.

RAM ke dikena aku diatu bansa made in China, brand – Kingston siri KVR667D2S5/2G,
Rega iya RM110. Enti meli ba PC Fair murah agi, tang aku enggai begelut enggau mensi ke segau segau nadai meli utai dia. Check aku ba internet brand bansa tu bisi rega sekitar USD40, kira ok meh enti aku meli ngena rega RM110. Kedainya enda jauh ari Opis aku ba Palm Road, Satok.

Unggal Iban Kiih bisi SMS aku ngasuh follow up enggau Aki Tuai pasal masalah IT, amat ga nya. Pelaba aku notebook aku tu agi bisi masalah bukai, nyangka startup configuration kini, China ba kedai ngasuh aku re-format, aku enggai, that will be my last resort. Ka pan enda ngerayap ngagai Google ngiga penemu ngubat diri empu.

Drama Pengawa bepilih mit sitak Penanti, Pulau Pinang

2009-04-25T00:10:00.004+08:00

Naka ke diatu apin temu bisi tauka nadai pengawa bepilih mit ba sitak Penanti dalam menua pegai Pulau Pinang. Tajapan ADUN sitak nya Mohd Fairus udah madahka diri deka badu nyadi YB.

PM kitai Datuk Seri Najib Tun Razak bisi bejako pasal perkara tu, munyi ke udah leju ke pengawa bepilih mit bansa tu. Manah agi belanjanya dikena ngemansang ke menua, ko iya.

Tu amat betul penemu munyi nya, enti kitai nemu diri deka alah, tau enda iboh enggau betanding, enda masau duit.

Tang Tun Mahathir enda besetuju ke penemunya, menang tauka alah nya cerita dudi ko iya. Malu enti neju sida PR menang di darat, lalu awakka enda ngasa ati bala penyukong BN ba menua dia.

Tu amat betul penemu munyi nya, laban BN nadai kala enda bediri enti leboh maya bisi pengawa bakatu.

Nambah ke drama cerita DUN Penanti, YB Mohd Fairus ke ngelamatu kena siasat MACC udah sah nadai makai suap dalam penyarut dagang kuari. Nyadi retinya nadai kebuah iya ngemadu ke diri nyadi wakil rakyat. SPR pan baka ke setuju enggau penemunya lalu nangguh aum sida ngagai ari satu minggu ila.

Ba penemu aku :

YB Mohd Fairus enda tau narit surat badu nyadi YB betegal ke lepas ari MACC, laban terubah iya suba iya madah diri deka badu ukai ketegal tuduhan rasuah, tang laban ko jako deka nampong pelajar ngambi PHD. Sekula meh nuan enda iboh enggau urang bepolitik agi.
BN mesti enggau betanding laban malu agi enti enda. Anang irau pasal besai belanja laban undang undang kitai bisi sekat pasal pemayuh belanja ke tau dikena maya bepilih. Salah ba undang undang enti kita bebubuh ke duit maya bepilih nya ila.
Tun Mahathir, nuan tau enda iboh enggau urang kimpin maya nya ila. Teju ke sida ke biak biak ngereja pengawanya. Umbas meh iya ke udah, diatu ngawakka sida bukai ngatur menua. Meri peluang ngagai kami meda penemu urang bukai.

Aktiviti Ujung Minggu

2009-04-18T22:50:00.010+08:00

Pengawa tu nadai planning, bisi dagin, bisi arang, bisi urang ka ngereja, nyadi meh projek kilat program BBQ ujung minggu. Suba udah bisi dapur digaga kena betunu, diatu nadai agi ngena nya. Tu kira bisi sangkut paut enggau kitar semula, re-use of abandoned wheelbarrow.Mobile BBQ Set
Ari iya ke garing garing enda dikena, manah agi kena betunu. Siti penyamai ngena ‘mobile BBQ set’ tu kitai ulih ngasur iya kia kitu, nyamai rari ke ujan enti bisi labuh maya bepangang.
First Half - makanan halal

2nd half – Utai burak tengah nya enda tau tinggal

Mentuka/Motosikal belantak ba Jalai Matang

2009-04-17T18:00:00.005+08:00

Maya nurun pagi tadi bisi tepeda ke eksident di jalai Matang, ba mua Pasar Matang Jaya. Pelaba ke aku Mentuka Proton Gen2 keluar ari pasar Matang meraka jalai lalu dituntung motosikal. Nadai ga meda urang bakal/bebadi tang pintu Gen2 nya bisi bekau rindas.

Utai tu lah ngasuh kami jam pagi tadi, udah ga Matang tu endang terbilang jam pagi pagi, nadai eksident pan jam meh jalai.

Mensia baru start begau meda urang belantak

Enda ulih ngambi gambar ke terang agi laban bisi urang ngehon ari belakang, nyangka sida beguai takut enda ampit deka meda lumor kereta, kena ngiga nasib ujung minggu.

Hari Good Friday

2009-04-10T23:27:00.004+08:00

Taun tu nadai enggau urang Easter Vigil, tang sempat ga pagi tadi enggau urang sembiang Good Friday ba gereja St Paul, Siol Kandis. Maya aku datai sembiang baru udah berengkah, mensia mayuh endar bisi lebih ari 200 iko, mayuh agi ke enda dikelala.

Kami duduk diluar laban nadai agi endor dalam gerija,.salah diri empu meh laban ke laun datai. Hari saritu manah endar, enda panas semina ujan mimit aja.

Gerija St Paul, Siol Kandis
Tajapan saritu Public Holiday di Sarawak bisi ga sida call ari Malaya, enda disaut aku. Ukai semua sida din mereti pasal kitai, datai dirumah muka email, bisi ga ari sida iya nanya tu minta nya, enda tau enda saritu ga ngadu. Hari satu ila meh aku baru aku meri, enti iya amat berat pagila ga kini aku malas mel sida

House Prayer Group

2009-04-09T18:00:00.003+08:00

Demalam bala House Prayer Group ari St Paul’s Church, Kampong Siol Kandis bisi datai lalu ngatur pengawa sembiang ba rumah kami. Sida iya bisi beraban 14 iko lalu di ulu ke Sub Deacon Alexander datai kira kira pukul 8.40pm.

Kami sebilik laban ka enda mayuh tubuh bisi ngasuh bala ipar enggau sida sebilik sama datai maya tu tadi.

Bala raban House Prayer Group ari St Paul, Siol Kandis
Nyadi atur sembiang kami demalam baka selama, kami ngena jaku Iban, nyanyi pantun lalu besebutka leka jako “Allah” lebuh maya ke patut, asaika bisi lebih ari lima kali. Munyi ko kenang Tan Sri Leo Moggie, endang berengkah ari mit suba udah bakanya.

Meri terima kasih ngagai Raban Prayer Group ari St Paul laban bisi datai lalu ngeringka semengat kami sebilik dalam pengarap kitai.

Menang di Batang tekait ba Bukit

2009-04-08T08:29:00.003+08:00

Terubah iya meri tahniah ngagai YB baru, Malcolm Mussen ti udah menang besai maya bepilih kemari di Batang Ai. Tang the clear winner yesterday are the Batang Ai’s electorates, laban mayuh pemansang udah dijanji perintah sekumbang ke bekimpin dua tiga minggu tu tadi. Enda patut ga enda diberi laban semuanya endang utai perlu utai penting, lalu pia mega ukai semina siko dua aja ke bisi ninga sida nibar jaku nya.

Politik Bukit sepiak nyin enda ulih dititih kitai. Ari perati aku, sahari tu sida ngundi, pagila udah start baru kimpin, nyendia ke diri kena bepilih baru. Enti kitai 24 jam bepolitik sahari ari, ni maya ngereja utai bukai. Ambi sema pengawa melaki bini, udah nikah, lalu bekurung enda pansut pansut ari bilik, enda nyelaie nya peda urang.

Diatu pengawa bepilih mit udah tembu, let the victors rejoice in their success and the losers reflect back to their loss., and for the rest of us, let’s move on.

BN to win in Batang Ai ?

2009-04-07T17:00:00.003+08:00

Enggai enda ngaga ramalan pasal pengawa bepilih mit Batang Ai, gamal iya baka ke ulih menang manok ari BN. Overall score is 1-2, Dua Bukit agi diempu PR, Nitih ke komen Sim Kwang Yang PKR deka alah laban kurang puku lalu enda telaban ke BN ti udah besaup bebendar kimpin ba LA.

Bloggers bukai pan se penemu mega, baka Audie Chua madah "only a miracle can save Jawah enggau siko agi ditu. Semua sida tu ukai pro-BN.

Sebedau tu aku enda ngeluar komen laban nadai enggau urang begau ke LA. Kitai pan nadai enggau urang kimpin, mina meda ari jauh.

Diatu urang udah badu ngundi, jadi komen tu ukai kimpin, tang ari observation aku kediri. Pemutus penuh deka ditemu kitai apin tengah malam tu.

Summertime is Here !!!

2009-04-06T18:04:00.003+08:00

Or rather it’s British Summer Time (BST). Enda berasai diatu udah bulan empat, BST udah start seminggu, this mean that tumu agi jam kitai ulih meda main bol EPL. Berengkah ari bulan tu main bol EPL start pukul 10.00. enda agi pukul 11.00pm jam kitai. Kickoff iya agi sebaka pukul tiga lemai ba menua Ai Ngelan.

Perubahan tu endang di antik kami ke rindu meda main bol, laban diatu ulih tumu agi tindok, enda ga buntau pagi siti. Pukul 10.00 malam meda main bol is just nice, abis pukul 12.00.

Semina enda manah pasal pagi tadi puncau ngasuh MU alah enggai ngasi agi. Referee pan semacam hal, meda MU apin menang ditambah iya 5-6 minit extra, udah MU menang baru iya ingat ka nyepu wisel.

Nujum Theory RAHMAN

2009-04-02T23:33:00.000+08:00

Sejarah dunya deka nyadi leboh Najib ngankat sumpah nyadi PM nganti Abdullah Badawi. Tu meh pengujung nama dalam theory RAHMAN ianya pasal tusun PM menua Malaysia. Kitai aja ba Dunya tu bisi nujum theory baka tu.

R – Rahman Al-Haj (1957 – 1970)

A – Abdul Razak (1970 – 1976)

H – Hussien Onn (1976 – 1981)

M – Mahathir Mohamed (1981 – 2003)

A – Abdulah Badawi (2003 – 2009)

N – Najib Tun Razak (2009 - )

Theory nujum RAHMAN tu terubah disebut bala politikus zaman Mahathir tahun lapan puluhan, maya Musa Hitam badu nyadi DPM, nyangka laban nama iya ukai spell ari “A”.

The question now is that what happen after the completion of this prophecy of RAHMAN. Bisi urang nyebut di tampung nyadi RAHMANTULLAH bisi ga nyebut RAHMANATHAN penatai nama asal Rahman dalam mitos Hindu.

Lim Kit Siang lain agi utai sebut, after “N” will be the end, ko iya. Retinya Parti bukai bekuasa udah nya.

Bisi theory lain ngeramal nama RAHMAN tu ila reverse. Undah Najib tu ila urang nama “A” jadi PM, lalu di ganti urang nama “M” (Muhiyiddin Yassin ?) lalu di tampung urang ngena nama “H” (Hishamuddin). But first sapa urang nama “A” tu lalu ni maya iatu timbul.

Leju berandau kediri

2009-04-02T10:17:00.003+08:00

I think now is the time I come out from my shell and meet the rest in the cyber World.

Rindu ga maca blog urang, bisi ke dikelala, bisi sekeda nadai kala enggau betemu.

Bulan nyin kemari sebedau pengawa urang nganjung nama di LA, aku bisi betemu enggau a few active Iban bloggers. Maya nya aku bisi meli bup "Broken Shield" enggau "Rentap" ari sida. Udah abis baca ila baru aku post "Book Review" ditu, enti bisi masa.

Batang Ai 2009 – Satu Lawan Satu (Sabung besai)

2009-03-30T22:39:00.003+08:00

Anti-climax di Lubok Antu, Johnny Chuat enda nyadi engau urang bertanding lalu meri sukong iya ngagai calon PKR. Rugi meh kitai tu laban enda nemu ni naka undi ulih towkay Pegari tu enti iya bediri.

Ko rita, bisi kira kira 10,000 semua penyukong dua dua piak. Jawah Gerang ari PKR di iring MB Selangor enggau raban pembangkang bukai. Malcolm Mussen ari BN di iring CM kitai enggau tuai parti BN, Shafie Apdal bisi ga enggau ko rita sida.

Di Bukit Selambau, mensia dia nadai lembau bediri, bisi 15 iko. Tu nyadi sejarah dalam Malaysia paling mayuh kendidit bediri ba siti endor. This will also create the longest ever ballot paper for voting. Sama bela deka nyadi YB meh nya.

Di Bukit Gantang, umbas iya penyabau urang bediri, mina tiga iko. Menteri Besai baruh kayu ari PKR deka nguji popularity iya, sort of a referendum on what’s happening during the recent Perak Crisis.

Sama sama meh kitai nganti 7^th April, ari urang muai undi.

Nemuai ke Lundu

2009-03-30T22:01:00.009+08:00

Kemari leboh hari urang begau nganjung nama di LA, kami menyanak bisi nemuai pulai ari ke Lundu, ngusung bala mentua, ipar. Pasar Lundu baka biasa nadai entu mayuh urang laban nadai pengrami.

Pasar Lundu

Dewan Suarah, baka gamal "Opera House".

Pengawa Bepilih Parti UMNO 2009

2009-03-29T00:47:00.001+08:00

Pengawa bepilih parti UMNO udah tembu, Khairy Jamaluddin menang bepilih jadi Ketua Pemuda UMNO, Shahrizat Abdul Jalil menang pergerakan Wanita lalu Muhyiddin Yassin menang nyadi sapit kepala parti.

Khairy ke selalu disindir Tun Mahathir ketegal ngembuan ati deka nyadi Prime Minister paling biak menang ngalah ke anak Mahathir empu enggau Khir Toyo. Graduate ari Oxford tu enda disadang tau menang laban calon bukai baka ke hebat agi, tambah Khairy bisi disebut terlibat enggau rasuah.

Shahrizat Abdul Jalil ke ngalah ke Rafidah Aziz pan nyadi berita besai laban dalam parti UMNO jarang urang No.1 alah betanding. Shahrizat tu suba alah laban anak Anwar maya bepilih besai taun nyin tadi.

Muhyiddin Yassin menang ngalahka Muhamad Muhamad Taib, sepatut iya urang lumor dua dalam UMNO ila tau nyadi PM. But we never know, in the case of Mahathir his successor was his fourth assistant.

Rita bukai ari PWTC, pengari ari Sabah mayoh menang maya bepilih UMNO, sekeda Menteri besai, Menteri Federal bisi alah, Mahathir deka pulai baru masuk UMNO.

Pengawa bepilih besai parti UMNO endang selalu diperatika urang Malaysia laban diatu sida megai kuasa. Diatu mensia berengkah ngalih perati ngagai pengawa bepilih mit baka ke ba Batang Ai.

Batang Ai – Sari sebedau Nganjung nama

2009-03-28T22:59:00.000+08:00

Lemai tu calon BN enggau calon PKR sama sama bisi ngereja pengawa miring/bedara ba menua diri empu. Nyu baka ke deka nurun ngayau, minta tulong minta saup ari antu ari petara meh nya. Malam tu mesti tumu tindok awakka bisi mimpi manah.

Jawah Gerang udah dipadu nyadi calon ari PKR ngelaban Malcom Mussen calon ngari ke BN. Utai ke apin temu diatu ianya pasal Johnny Chuat ke deka bediri ngati kediri. Bisi ayan gambar dalam internet iya udah ngambi pom kena bediri, lalu bisi mega rita iya tu deka narit diri, nyau baka cerita Hindustan, maioh suspense. Tang enti enda nyadi Johnny will have a lot of explanation to do after all the hoo ha, arapka enda ngacau business Majalah Pegari dudi ila.

Urang dijangka rami endar pagila ba LA, ninga rita bisi dalam 10,000 deka ngiring calon. Tu endang sabong pasang besai.

Earth Hour 2009

2009-03-28T22:06:00.000+08:00

Kami sebilik bisi enggau urang madam ke lampu maya Earth Hour tadi, tang semina 20 minit aja. Lebuh aku meresa keluar rumah, bala jiran ke kami ditu endang nadai apanama, agi terang baka selama, nadai madam lampu. Api ba jalai nadai padam.

Udah ka abis berita ba TV3, pasang kami api laban bisi temuai datai. Ni alah kitai berandau dalam petang, kitai ka meri urang ngirup ai kupi, makai ruti tussah enti nadai api.

Sida ke nembiak begau, laban jarang diau dalam petang. Enggai aku nusoi pasal kitai agi suba maya ke apin bisi api karan, enggai ke kumbai sida iya bula.

Updates on Batang Ai 2009

2009-03-22T19:26:00.001+08:00

Naka ke diatu manok sabong ari PKR agi apin temu, nyangka tegal tusah milih antara Bawin enggau Jawah. Tang pemutus perkara nya dijangka tembu pagila.

Siko Kendidit bebas, Johnny Chuat ari Majalah Pegari bisi rita deka enggau urang bediri, enti tu amat, this mean that there will be a three corner fight.

Ari sepiak BN, nadai berubah agi mengkang Malcom Mussen.

Liverpool completes the double over MU (4-1)

2009-03-15T23:39:00.003+08:00

By 11.00pm yesterday these four players, Torres, Gerrard, Aurelio and Dossena were the toast of all hardcore Kop’s fans the World over after scoring for Liverpool for their biggest victory over MU in 73 years. The exact date was on 21 Nov 1936 and the score was 5 - 2 in favour of the Kops.
That's mean the last time it happened Sarawak was still under rule of the Brookes. Our CM was only 6 months old and George Chan was 2 months old, Jabu was not yet born.

Four different players from four different Countries and their four goals last Saturday at Old Trafford will remind SAF that while the BPL’s title is probably still within his grasp but getting the more prestigious Champion League will have an obstacle in the form of Liverpool.

The Candidates so far for Batang Ai

2009-03-12T17:09:00.008+08:00

Manok ari kedua piak apin pansut. Nama bisi disebut tang apin tentu confirm, nama kebuah, bisi meh kebuah iya. Baka kitai ke main poker, there got to be some bluff.

So far from the dark blue corner the leading name is Malcom Mussen, senior Gov't servant and from the light blue corner it should be either Bawin or Jawah, both seasoned politicians.

Rami pasar Lubok Antu seminggu dua minggu tu ila wai .....

N29 Batang Ai - Past Election Results

2009-03-12T14:30:00.014+08:00

The hot topic in Sarawak now is about the coming Batang Ai by Election. Past Results of the elections show that it's always a tough fight. Previously the constituency was known as Ulu Ai and used to be the stronghold of SNAP until the birth of "Dayakism".

The voters here has a history of giving equal chance to both sides, semua bisi peluang menang ditu. Kadang kadang parti perintah menang lalu bisi mega calon bebas enggau parti penyakal kala menang ba sitak tu.

2006

a) Dublin Unting ak Ingkot (BN-PRS) …. 3,295
b) Nicholas Bawin Anggat (SNAP)…….. ............... 2,489

2001

a) Dublin Unting ak Ingkot (BN-PBDS) ……. Unopposed

1996

a) Dublin Unting ak Ingkot (BN-PBDS) ……….. 3,882
b) Klinsing ak Manau (Bebas) ……………….................…. 1,327

1991

a) Dublin Unting ak Ingkot (PBDS) …………….. 2,558
b) Mikai ak Mandau (BN-PBB) ……………. 2,475

1987

a) Mikai ak Mandau (PBDS) …………….. 2,761
b) Nicholas Bawin Anggat (BN-SNAP) …………. 2,020

1983

a) Sylvester Langit (SNAP) ........................... 1,421
b) David ak Jemut (PBDS) ........................................... 1,413
c) Benedict Bujang Tembak (Bebas) ............................1,009

1979
a) David ak Jemut (BN-SNAP) ................................... (Unopposed)

1974
a) David ak Jemut (SNAP) ............................... 1,479
b) Benedict Bujang ak Tembak (BN-PBB) .................... 1,280

1970
a) David ak Jemut (SNAP) ...................................... 934
b) Tutong ak Ningkan (Pesaka) ............................................... 889
c) Rabit ak Nanang (SUPP) ..................................................... 531
d) Penghulu Manau (Bebas) .................................................... 351
e) Ebai ak Inyang (Bebas) ...................................................... 86
f) Ahmad b Ibrahim Leek (Sarawak Alliance) ................... 80

To win you need at least 3,000 votes or RM300,000, the more the better. This is on a budget of overall RM100 per head, not to be given to the voters but to cover the general expenses such as fuel, transportation charges, rental of generators, access fees for broadband, posters, the nasi bungkus and other unexplainable charges.

Back again .....

2009-03-12T12:56:00.001+08:00

Last post was in 2006 ...

Since then lots has happened, lots of people blogging now.

Bloggers has lots to say/roles in politics.

So this is the reboot of this blog

Meeting in KL

2006-11-18T14:53:00.002+08:00

The day begin on 15th waking up early for as usual but today is Shidot last day in School for the year. The I got to rush to KL, attend few meetings the next day and back again to Kuching.

05:30 – Woke up, bathroom, dressed up, cup of coffee and the day begins.

05:50 – Left house with Shidot, normal jam at Matang road.

06.15 - Breakfast with Shidot at Padungan.

06.50 – Drop the kid at school and rush back to office, clear outstanding, check the mails and read some, answer some, delete some. Make few calls, print some data, collect few reports, prepare files for tomorrow and that’s it.

11.00 – Go to Borneo Post’s office at Pending, submit the Aknowledgement Insert, that’s RM370, well, what need to be done will be done.

12.50 – Fetch kid at St Mary’s, went home, munch some lunch, pack minimum cloth; one shirt, one singlet, one T-shirt, extra pair of socks, undies and a hanky, toiletries .. that’s it, should be enough (strain of Cliff Richard’s “Travelling Light” in the air). And all these lucky items will be squeezed into my Acer Travel mate’s suitcase to keep my laptop company during the flight.

14.00 – On my way to Kuching Airport, sent by wifey.
- check in at the no luggage counter, have a quick smoke at the narcotine room, few stewardess were there too sucking the .. er their cigarettes of course. Met Saed Hassan, fellow TM just came back from KL.

16.06 – Takeoff and 100 minutes later I popped up in KLIA, I survived the inflight servings. Compulsory stop at the store and pick up a deodorizer (forgot to bring), Salem, few buns, a carton of milk, mineral water and a maggie mee in the cup, my survival instinct telling me to be prepared just in case of emergency, never know what can happen.

18.10 – Use a coach to go downtown KL since it’s still early, met Josiat Sadit, ex-Kolejian, now with a bank.

19.45 – Reached KL Central, the trip took longer than one hour due to rain and jam. Hopped into the waiting MPV (wow.. a Mercedes), only one other passenger apart from me, a non talking Mat Salleh who jumped out at Westin.

20.15 – Reached my Hotel, Bintang Warisan @ Bukit Bintang, was assigned to Room 212, an upgrade said the Bellboy. But that three-bed room has no Astro and no coffee making thingy. The beds and the bathroom are ok.

21.00 – Went out for dinner, chose an empty restaurant nearby, ordered yong tau foo with rice, strange choice, the Chinalady cook asked me whether we Sarawakians use the same Ringit and MyCard as them Malaysians. I almost choked on my reply and almost said no. Before I left 3 more customers came in, a local Chinese and 2 Africans, most probably Nigerians. A con job planning is about to begin, A discussion on investment is about to start.

Back to the Hotel I managed to catch one movie at Vison 4, a Bruce Willis movie supported by unknown casts. After that I take out my laptop, played a bunch of MP3, this time I clicked Bad Company and CCR.

16th Nov 2006

Waking up at 6.30am to start my day. After dishing out my AMBank card at the counter I had my free “American” breakfast before hailing up a taxi to Menara TM. So far so good.

And the meeting was ok, actually had three meetings. The first meeting was Performance Review meeting followed by ISO meeting. After a break we proceed for a Manpower planning meeting at the next building. And there were still time for a ramah tamah.

At 5.15pm I was on the LRT to KL Central, and a lot of spare time as the next coach leave at 6.30pm for KLIA. I reached Airport at 7.40pm, checked in, buy some breads, muffins, assorted buns, otak otak before going to the smoking lounge. Left KLIA at 20.50 and reached Kuching at 10:30pm, reached home just before midnight.

The trip was quite hectic and there a lot of follow ups to be done.

The Nation 03/06

2006-11-14T20:47:00.003+08:00

The Mongolian Model Affair
This missing model Altantunya is not the only Mongolian Altantuya in the modeling circuit. Currently another Altatunya known as Toya is busy modeling in the fashion capital of Paris. A self proclaimed ex-Mongolian model now running a successful modeling agency in Ulanbatar said that she never heard of the former.

Perak SMS
The woman who started the “Baptism” SMS was named. She was a former graduate of UIA and attended the world renown Islamic University in Cairo. Used to be a Christian she is given 48 hours to surface or else her face will be published in all local papers.

Mahathir
It will be peace and quite now that then Doctor is not well and will be missing the UMNO ‘s General Assembly.

Idaman’s Palace
Not to be outdone, it has been announced that the new Astana Negara will be built, costing only RM400 millions it will be completed in 2009.

Upskirt up North
Pressure on the Council Chairman, alleged sexy journalist released picture of herself in papers showing a plain young girl wearing a plain dress. Opposition parties, NGOs are all behind her, there’s even short picket.

The Nation 02/06

2006-11-13T23:27:00.001+08:00

The Mongolian Model Affair
No arrest yet just remands. To me the Mongolian Honorary Consul that Datuk Chinggis Khan is merely doing his job when he sound so defensive regarding the missing mongolian miss. But currently he is no more dishing out the meaty info, maybe somebody asked him to zip up the flytrap.

The Perak SMS
This time it's the Perlis's CM who made the announcement that Datuk Azhar is still a muslim.

Mahathir
As usual the wily old man found a way to solve the Nation's dilemma, be sick and so no need to attend the UMNO's General Assembly. What a relieve, many people sleep better these few nights.

Idaman's Palace
Another one of these Klang's councillors with big newly constructed mansions hit the headlines, this time striking one of the reporters/photographers thus ensuring that the readers get introduced to another MPK councillors. I'll get the name later.

Not to be outdone the Penang Municipal Council finally succeded in getting their procedings be mentioned in the press. As the attention shift Northward, it was later revealed that the Council's admiration with the jounalist 's legs was not well recieved, police report were duly made and the Council President responded with an honest remark of which he believed should be accepted a it would had centuries ago.

The Mongolian Model .er... graduate

2006-11-12T23:04:00.001+08:00

Turned out that Ms Altantuya is a graduate teacher, speaks 4 languages, own her own business and a frequent traveller. That model bit is only part time, wouldn't be suprise if later it will be revealed that she is a Mongol Princess. Even Daddy is a PHD holder and currently attached with one of the University in Mongolia. So this is actually not your ordinary kampung folks as originally thought.

The NST is the only paper which did not actually name the analyst and termed the girl as "missing" and not murder. at least that's what Dr Saariibuu would like it to be until the DNA test. Methink this is only delaying and prolonging the forthcoming grieves.

And no charges is being made yet, just extension of remands, DNA tests, hospital visit for personal's ailments. So this actually meant that a very long time is given for the defense team to prepare themselves, just like a prolonged injury time in football.

The Star published a transcript of the interview with the Mongols, many questions were asked but no reporters dare to ask whether the "missing Mongolian Miss" is a muslim or not.

Anfield 02/06

2006-11-10T14:34:00.001+08:00

Nice one from the Kop, the win at Birmingham is now the fifth in a row. But we lost Sisoko and the next match would be the showdown at the Emirates. Unfortunately Liverpool seldom do well in the Capital City and Arsenal has started winning again.

Rafa should start with Fowler, the striker who had the habit of scoring against the Gunners or at least that's what he did in the 90's. A draw would be good.

The Nation 01/06

2006-11-10T13:30:00.001+08:00

Might as well comment abit about cuurrent affair in the Country.

The Mongolian Model affair
Baginda is still in remand, the Mongolians is in KL already; 3 cops + 2 more person is still with the Police; the baby might not be a Malaysian after all. And today I learned that they spell Ghenghis Khan as "Chinggis Khan" in Ulanbaataar.

The Perak SMS
Datuk Azhar have not yet explicitly declared his real religion status at the moment.

Mahathir
Tun is still in IJN, having "mild" heart problem. Even Abdullah visited him.

Idaman Palace
Turn out that DZ is quite close with AB

That's it, the four top stories still dominating the pages while the CI climb upwards.

17 Hours trip to the Longhouse

2006-11-10T13:14:00.001+08:00

Have to go back to the Longhouse as part of the requirements to satisfy the ritual.

3.50 am - Alarm bells ringing, wake up and starts packing
4.35 am - Left Heng Guan to start journey to Debak
5.00 am - Left Siol Kandis after picking Mendong

Marvin still sleeping, Marthilda nodding alone at the back row of the Unser.
This is actually a trial run for the trip to Miri next month.
We meet the sunrise just after passing Serian.

7.25 - Simpang Simanggang, stop for R & R
8.05 - Left the stopover, everybody wide awake now.
10.00 - Reach Ng Pek.

Met Morris on his way to collect latex; talked to the rest of the folks, clean the room, check the fridge, video the kids playing with dog and finally it's lunch time.

3.00 pm - Left Ng Pek and stopping over at Ng Tot and Menyalin Asal.
5.20 pm - Stop for a quikie at Lachau
6.00 pm left Lachau
8.45 pm - Reached Siol Kandis and dropped Mendong off.
9.15 pm - Back home from where we started this morning, Heng Guan.

The trip was ok and mission accomplished, evevrybody and busybody should be happy.

Things back to normal at Anfield

2006-11-02T18:48:00.001+08:00

Garcia scored 2 goals and Gerrard finally starts his account for a 3-0 win over Bordeaux in the Champion League. Before that last saturday the Kops ended Villa unbeaten run in the league and last week they started their League cup campaign by beating Reading.

So it was 3 wins in the last 3 games in 3 different competitions. Critics are silent at the moment but we cannot avoid the fact that the last 3 victories were all at homeground. These guys have yet to show anything worthy on their trip.

Looks like this season target still remain the same - to get that 4th place to ensure the place in next season's CL. Forget the League, Chelsea will record a hattrick of league titles and this season might be their turn to appear the the CL final, probably winning it too. Like the rest the most Liverpool can hope for is to snatch one of the 2 domestic cups, maybe w ego for thye League Cup this season, but first that small matter of a visit to the midlands.

Marthilda & Marvin

2006-11-01T12:47:00.001+08:00

It's Marthilda 's birthday. Chocolate birthday's cake, KFC & homemade drumstick soup for a family only celebration. She loves sponge cakes, love cats, love plants, favourite TV show - animal planet. Gentle hearted girl. Marvin just like to blow the candles.

Sarikin's flea market

2006-10-22T19:36:00.001+08:00

Last time we went there was on 30th April 2006, I bought a cheap shoe on that day. Proved to be useful, think I might be bringing the family there again next month.

Here's roughly how the border town look like, mostly selling thrinkets, junks etc. Best buys would be the batik sarong, cos' the Indons are supposely to be expert in that industry. Other than that just get the sackloads of tidbits eg banana chips, tapioca chips good for sourvenir back in town, unless you prefer turtle eggs, plenty of that contraband here.

A Blog is born !!

2006-10-22T16:05:00.001+08:00

Precisely at 16:00 hours Sarawak times on the auspicious day of 22 October 2006, I hereby created this blog !

Been long overdue, but better late than never. This blog is for me to records my thoughs .... incase I might need them later.

So, what did I do today -

Morning - Attend Church service at St Paul, Siol Kandis. Met Lipin Not and handed over RM60.00 to him for the plot of land where they buried Apak last Sunday. Talk about that later, few issues there.

The rest of the afternoon I spend infront of my PC, struggling with my overdue Math assignment, so far so good, but if Joyce help me tomorrow as promised, then I can concentrate on my Econs.

This evening, got to buy Satay for my belated birthday, and hopefully after that will be in Old Trafford (via cyberspace) to cheer up Gerrard and his red team trying their best to beat MU. Slim chance though, but you never know.