Friday, 29 May 2009

Selamat Hari Gawai Dayak 2009 !!!

Saa… dua .. tiga .. empat .. lima .. enam .. tu … juh !!!
Ni kita petara aki petara ini ... kitu magang
Aku tu ngangau kita datai
Laban kami deka ngintu Gawai Dayak
Nitih ka pekat nitih ka adat kitai Sarawak

Aku ukai ngangau ngapa, ukai ngangau pia,
Aku mai kita ngabang, mai kita mansang,
Mai kita makai, mai kita nandai.
Aku mai piring, mai ading,
Piring penganan, piring penyaran,
Piring Arak, Piring Tuak,
Udah sedia, udah nyengenda,
Ditikai wi, tikai peradani,
Ditikai rutan, tikai bemban.

Oooo .. Ha .....

Kita ke ngabang bakanya mega,
Anang tuboh puang, tuboh sabatang,
Anang mai tuboh murus, tuboh untus,
Kita ke ngabang bakanya mega,
Anang tuboh puang, tuboh sabatang,
Anang mai tuboh murus, tuboh untus,
Tang mai ubat serangkap genap,
Dikena ngubat sida Tuai ke agi Lap
Sida ke enggai ke nama Dayak
Enda rindu ke bansa kitai dulu kelia
Awakka sida gerai baka kitai
Tau bai besulu nyamai enggau begulai

Aku besampi minta iching, minta perening.
Awak ka kami mudah bulih duit, bulih ringgit,
Bulih padi, bulih puli, bulih reta, bulih tengkira,
Awak ka sida anak, sida ke biak pandai sekula
Bulih degree, bulih PHD
Bisi diploma, nyamai ngiga kerja
Kami ke gawa niki pangkat bulih pingat
Manah prestasi, niki gaji, saham niki, minyak turun !

Nya alai dinga ka kangau anak mensia, kangau anak uda,
Minta tulong, minta sukong kita.

Oh... Ha ...


(Disclaimer - Biau tu di ambi / modified ari urang bukai, sampi asal bisi nyebut bulih setawak bulih seganak, aku ukai enda beguna ke setawak tang ka agi minta bulih microwave oven, flatscreen tv, notebook, iPhone etc enda nemu ngerintai iya ba leka biau tu..hehe heh)

4 comments:

Entayang said...

Selamat Gawai Dayak ngagai kitak sebilik

Desmond said...

Happy Gawai kaban!

Anonymous said...

Selamat Gawai Dayak,
gayu guru gerai nyamai,
lantang senang nguan menua,
betuah belimpah,
bulih reta tengkira,
bulih duit ringgit,
bulih pangkat,bulih berekat.

guyang

Anonymous said...

Enda ngawa enti enggai ngena leka jaku "setawak", "segenak", laban dunya udah mansang. Setuju aku enggau nuan. LOL.