Sunday 17 May 2009

Al-kisah Buah Jambu

Diatu pun jambu kami ke ba tisi rumah benong bebuah, penundi iya bebuah maya Hari Christmas taun nyin kemari. Jambu bansa tu enda bemusing tang pun ke ditanam entua aku ditu baka ke bebuah dua kali setaun. Sekali tu lebat agi buah iya peda aku, enti di itung anggar aku bisi dalam 300 igi, sekeda dan iya agi bebunga.
Jambu Ai, baru mansau


Pun Jambu, tanah enda besai semina nanam sepun aja

Pemesai buah iya kira kira 5 – 6 cm, asai iya sedang pemanis, nyamai endar enti di empa ngena garam, tauka sambal belacan.

Aku ngambar pun enggau buah jambu tu berengkah ari bulan tiga, terubah iya maya iya baru bebunga, ka meda penyampat iya besai, kira ngaga kajian meh keno jaku. Ari perati aku, buah jambu tu tau diambi selepas 7-8 minggu udah iya bebunga. Aku ngambar iya tiap ari enam tauka ari minggu.

28 March 2009, baru bebunga


11 April 2009, bunga mechah keluar


11 April 2009, burak tanah laban bunga gugur


18 April 2009, lepas bebunga, jai gamal iya


26 April 2009, udah bisi buah mit mesai tunjuk


2 May 2009, buah udah besai mimit, geram ati ka ngetil


9 May 2009, apin cukup besai, agi kelat enti dempa


17 May 2009, At last udah tau dikarang


17 May 2009, nasib endar ga pun enda tinggi, nyamai di jengkau ari tanah


Pun jambu tu udah ditanam kira kira 3-4 taun, peninggi iya kira kira 12 kaki, enggi kami tu nadai entu dibaja, tang ok ga gamal pun iya. Ambika pakai diri empu cukup, bisi ga diberi dibagi mimit ngagai kaban ke mansa datai kerumah.

6 comments:

Anonymous said...

Manah amat pendiau jambu dek kaban. Nya diintu bisi endar tau dijual kena nambahka duit kuchik tauka diberi ngagai kaban belayan sereta sida ti beserimbai pendiau dikena ngerapitka kaul.

Pala Tangga said...

Sayau enda nemu nyangkok, enti nemu ulih nanam mayuh agi. Nya baru tau dijual udah iya mayuh. Tu kira promosi dulu meh.

Puteri said...

Enda bulat jambu nuan nya? Galak endar gamal pun jambu nuan nya!

Pala Tangga said...

Laban ke nadai dipancit ngena racun bisi bulat sekeda buah iya. Lebuh ke mayuh buah enggai entu makai iya, lebuh ke nadai selalu endar meli buah tu dikedai.

ijoi said...

Sarawak dalam kenangan...

ijoi said...

Sarawak dalam kenangan...