Bulan nyin kemari mayau kami bisi beranak, enda datai sebulan nadai agi meda, lenyau. Kumbai kami tesat sebelah housing ditu, tapi diatu kami sebilik suspek endang si Bujang Tedung al-Senduk tu meh empu hal.
Sinu amai meda indai mayau ngiga anak iya, kiaw kiaw tudah iya merening kami baka ka nanya. Mayau tu iya ke bendar ukai mayau kami, enda nemu sapa empu - stray cat, tang laban meda enggai pulai ari rumah kami diberi anak aku makai, nyau dibelika whiskas enggau utai bukai. Udahnya beranak dalam store kami dibelakang rumah, apin sempat meri nama alai udah ditelan ular.
Nadai cara bukai meh tu, besedia ke kayu, enti bisi meda gagai, sipat, palu.
.jpg)
6 comments:
kasih mayau nya...
Enti iya beranak baru ila, simpan dalam sangkar kini ... as a precaution.
Ooooo, anang enda bejimat ma ka nyipat malu tedung!! Bisa!!
Amat endar ga betukar gari ba belakang rumah nuan! Nah, temu sapa ka nelan sida anak mayau nuan, neh.
Tu kedua kali kami tetemu ke kulit ular dalam compound rumah. Ko jaku urang tuai kelia, manah enti bisi tetemu ke kulit ular, especially maya bumai, tau ambi ke ubat keno ko jaku. Ubat apa enda meh aku nemu, tang tu tadi udah dibuai kami kulit nya.
Apu wai, nyeregu bulu aku meda kulit ular nya. Kasih tudah indai mayau. :(
Aku bisi tips, wai. Beli serbuk sulfur engkah keliling rumah, nadai ular datai. Tang enti udah ujan mesti ka ditabur baru laban serbuk nya jampat lenyau.
Good luck!
-f-l-o, thanks for your suggestion. Bisi kami nabur sulphur semak pintu sebedau pulai ke rumah panjai. Nya kira short term solution, diatu benongn ngira long term solution
Post a Comment